من حكاياتهم وحٍكَمِهم

[size=18]معروف بين اهلنا التنانيب ولدى بعض الناس ، انهم لايخافون (زول
فصِل ) وبتاع مشاكل .. ينعي في لحظة يالف شي من راسو يديك عكاز ويطلّعك
انت غلطان ... يوم كنت في سوق (السير )لاقين واحد من اهلنا الساكنين في
(ارقو )لمن سلمت عليه قال : بتعرفني من وين ايش تديني السلام عمل هيس
وبيص لمن شردت منو .......لكن دي ما الحكاية الاساسية .. قالوا كان في ازمة
جازولين في البلد واحد من اخوان اجدادنا الله يرهمهم جميعا ...راح دنقلا
وجاب برميل جاز ، وفي البنطون قبضوا العسكري ورجعوه الي مركز الشرطة
يحققوا معهو ، ولمن سالوه من وين جبت الجاز ؟ قال : اشتريتو من المحافظ،
الله المحافظ بقي بتاع سوق اسود ... ركبوهو الكومر ..يلة يا محافظ جاتك
جاتك مشكلة..... المحافظ : متين انا بعتليك الجاز ياحاج فلان ؟ قال للمحافظ
ياسيات المحافظ انت ماعارف البلدة كلوا وجاز ده طلع من يدكم مشى السوق
الاسود كيف ، انت ماشايف شغلك كويس.... بقى للمحافظ في حلقو ... قالوليهو
خلاص شيل برميلك وامشي سامحناك ... قال ليهم : امشي كيف و العربات بتع
السليم فاتت . اطر المحافط ان يوصلو هو وبرميل الجاز الي منزله حتى
يتفادى من مكره

[/size]

حكمه فعلا وحكايه فى غاية الذكاء للمخارجه من الموقف الصعب ، رحم الله احبابنا الذين سبقونا واسكنهم فسيح جناته،ولك تحياتى الاخ عبد الودود